Хаврин тәрәнә тускар

Шидр Хальмг Таңһчин селәнә эдл-ахун министр Гаван Тимур хаврин тәрәнә көдлмшин төрәр болсн селвлцәнд орлцв. Әрәсән селәнә эдл-ахун министрин дарук Андрей Разин терүг давулв.
Тимур Сергеевич Хальмгт хаврин тәрәнә көдлмшин белдврин тускар цәәлһҗ келв.
– Эн җил 242 миңһн гектар аһу һазрт намрин тәрән тәргдв, эннь ниднәк кемҗәнәс 4,3 миңһн гектар ик болв. Үвләр зөвәр киитрәд, цасн икәр орсн бийнь тәрәнд харшлсн уга. Эн җил мана таңһчд ирлцңгү көдлмшт 440 сай арслң шаңһа дем йилһгдв. Сүл җилмүдт нег һазра селәнә эдл-ахун көдләчнр буудяһар бийән тетксн деерән энүг бас хулдв. Эн халхар көдлмшән цаарандан делгрүлхвидн, – гиҗ Гаван Тимур иткүлв.
ОЛЬДАН Цаһан