ЖКХ-н көдләчнриг йөрәв

17-03-2026, 11:31 | Общество, Таңһчин зәңгс, Зіњг

Урҗ өдр гер-бүүрин коммунальн эдл-ахун көдләчнр сән өдрән темдглв. Хальмгин Толһач Хаска Бату эдниг йөрәв.
– Эн халхин көдләчнр өдр болһн унтл-кевтл уга бәәрн улсин төлә сән таал тогтахар шунна. Мана гермүд уста,герлтә болн дулан болхин төлә эдн өдр-сө уга көдлцхәнә. ЖКХ-н көдләчнр амр биш таалд чигн көдлмшән даавртаһар күцәнә. Хамгин түрүнд эн халхин ветеранмудт ханлтан өргҗәнәв. Тана үлгүрәр эндр көдлҗәдг мергҗлтнр тана кергиг даавртаһар цааранднь күцәҗәнә. Сүл цагт мана таңһчд ЖКХ-н халхар кеҗ-күцәсн тоот баһ биш гиҗ темдглхмн. Деед Яшкуляс Элст күртл усна шин сурвлҗн татгдв. Ода болхла Иҗл һолас тосхгдх усна сурвлҗна төр хаһлгдҗана. Күндтә ЖКХ-н көдләчнриг, сән Өдрләнь йөрәҗәнәв. Амр биш көдлмштн өмәрән йовтха, цаһан хаалһ болн күцәмҗ дурдҗанав, – гиҗ Бату Сергеевич олна йөрәлин үгдән темдглв.
ОЛЬДАН Цаһан

Видео