Барин ветеранмудыг ачлв

Сегодня, 17:14 | Общество, Таңһчин зәңгс, Зіњг

Әрәсән сойлын көдләчин Өдрлә ирлцүләд «Калмыкия» зәңгллһнә таңһчин бүрдәцин ветеранмуд орн-нутгин сойлын көдләчнрин профсоюзин Күндллһнә һашгар ачлгдв. Әрәсән сойлын көдләчнрин профсоюзин Хальмг Таңһчд үүлддг әңгин ахлач Очр Иванов ачлвринь бәрүлҗ өгәд йөрәв.
Хальмг барин халхд олн җилдән үнн-чик седклтәһәр көдлҗәдг, профсоюзин җисәнә шунмһа гешүд Дорҗин Данара, Түрвән Һуна, Баринә Валентина, Лидия Гермашева, Эрнҗәнә Раиса болн Шаран Ольга ачлгдад, эднд килмҗ тусхаснд ханлтан өргв. Харһлтын йовудт эдн олн җилдән профсоюзин гешүд болҗ йовхан темдглв.
Хальмг Таңһчд үүлддг Әрәсән сойлын көдләчнрин профсоюзин әңгин ахлач Очр Ивановин келсәр, ода 800 шаху сойлын көдләч профсоюзин гешүд болна. Олна ниицәнә ветеранмудын дамшлт, медрл дорас өсч йовдг баһ наста мергҗлтнрт эрк биш керглгдҗәхиг заав. «Эн җил мана таңһчин сойлын көдләчнрин профсоюзин президиумин шиидврәр 70 нас һарсн ветеранмудыг ачлх шиидвр авгдв. Сойлын көдләчин Өдрлә ут тоодан 68 ветеран Әрәсән сойлын көдләчнрин профсоюзин хүүвин Күндллһнә һашгар болн темдгәр ачлгдв. Тер мет күн болһнд 5 миңһн арслңга мөрә бәрүлҗ өггдв», - гиҗ Очр Владимирович келв.
«Калмыкия» зәңгллһнә таңһчин бүрдәцин һардач Марила Хоңһр ачта көдләчнриг сән өдрин байрла йөрәһәд, бат эрүл-менд болн хөв-кишг дурдв.
БАТАН Сәәхлә
ЗУРГТ: харһлтд орлцачнр

Видео