Сән таал тогтаһад

Сегодня, 13:49 | Общество, Таңһчин зәңгс, Зіњг

Элст балһснд сән таал тогталһна көдлмш цаарандан давҗана. Шидр «Гер-бүүр» болн «Бәәдл-җирһлин кец-таал» шаңһа болн келн-улсин төсвс күцәлһнә йовудт Ленинә нертә уульнцд 333 «а» тойгта герин эргндк һазртнь сән таал тогтагдв. Тер мет Элстд олн патьрта дөрвн гер тосхгдв, 490,5 дууна һазрт усна сурвлҗн татгдв. Йовһар йовдг болн гермүдин хашад бәәдг, ут тоодан 4,2 миңһн дөрвлҗн метр хаалһс бас ясгдв.
Эн ик көдлмшин ашт 5,4 миңһн дөрвлҗн метр аһута гермүд эдлврт орулгдад, 100 элстихн шин бүүртә болв. Усна сурвлҗна тосхлтд шаңһас 25 сай арслң йилһгдсн билә. Тиим кевәр шаңһа дөңгәр Элстин бәәрн улсин төлә өдгә цагин некврлә ирлцҗәдг цуг таал тогтагдҗана.
ОЛЬДАН Цаһан

Видео