Теңгст заһс аңңад

Сегодня, 13:29 | Общество, Таңһчин зәңгс, Зіњг

Хальмг Таңһчин селәнә эдл-ахун министерствин әңгин ах мергҗлт Муджикә Валерийин зәңглсәр, заһс аңнлһна хаврин керг-үүлдврт зурһан бүрдәц орлцв. Тедн дунд МСБ РО, РПП-н ассоциац, Богатов М.А., «Каспий», Калмрыбхоз» болн «Агат» бүрдәцсиг заах кергтә.
Хөн сарин 7-д кесн то-дигәр, 589,7 тонн заһсн бәрҗ авгдв, теднәснь 470,9 тонн ик заһсн, 118,419 тонн үүрмг заһсн болҗ һарв. 88,975 тонн цурх, 230,014 тонн сазн аңнгдв. 2026 җилин зураһар Лаганя заһсчнр 3237,7 тонн заһс бәрҗ авхар зуралсн билә, эн зура 18,21 процентд күцәгдв.
Заһсчин көдлмш амр биш, теңгрин бәәдлиг эрк биш учртан авх кергтә болна. Җил ирвәс Көк теңгсин цувгин усн баһрад болн ар-барун үзгәс үләсн салькн оңһцсин йовлһнд харшлна. Заһсна зүүтә хот-хол Элстд, таңһчин райодт болн хам-хоша бәәдг Сарпуль, Краснодар балһсдт йовулгдна. Лаганьд болхла заһсн кесг лавкст хулдгдна. Темдглхәс, заһсн үнтәрәд, зун арслңгас авн 300 арслң күрдг болв. Заһс аңнлһна хаврин кем хөн сарин 20-д төгсмн.

КАРСАНА Евгения

Видео