Белдврин көдлмшин тускар

Сегодня, 13:20 | Общество, Таңһчин зәңгс, Зіњг

Шидр Хальмг Таңһчин Суңһврин комиссин ахлач Чужан Бембә Әрәсән сенатор, «Негдсн Әрәсә» партин күцәгч комитетин һардач Байир Путеевла харһв. Намртан Әрәсән Хүүвд болх суңһврт белдвр кеснә тускар күүндвр болв.
Харһлтын йовудт 2026 җилин суңһврин керг-үүлдврин төрмүд босхгдв. Иргнмүдин суңһврин зөв-йос харлһнд онц оньг тусхагдв.
– Суңһврин йовудыг бүрткх улс заканла ирлцҗ, шишлң медрлтә болх зөвтә. Мана хамцу нөкцлт күцәмҗтә болхд иткҗәнәв. Цуг партьсин элчнрлә көдлхәр белдҗәнәвидн, – гиҗ Бембә Сергеевич темдглв.

БАДМИН Занда

Видео