«Әрәсән нүүрләчнр» марһанд ончрв

Сегодня, 13:40 | Общество, Таңһчин зәңгс, Зіњг

Москвад «Әрәсән нүүрләчнр.Политик» заллтын мергҗлтнриг белдлһнә халхар болсн марһана дарани девсңгин ашнь диглгдв. Келхд, эн марһан орн-нутгин Президентин даалһврар давулгдна. Олна-политикин халхар медрлтә, дамшлтта нүүрләчнриг йилһҗ авхин төлә эннь бүрдәгднә.
Ашлгч керг-үүлдвр «Сенеж» мастерскойд болв. Марһана йовудт ончрсн 68 күүнә нерн Әрәсән Президентин кадрмудын көрңд орулгдв.
Тедн дунд мана нег һазра үүлдәч, Марий Эл Республикд Әрәсән Президентин элч Бадм-Хаалһин Ольга орснь бахмҗ үүдәв. Энүнә «СВОя сила» нертә көдлмшнь йилһән сән төсвсин тоод орсмн.
Әрәсән Президентин һардврин Ахлачин негдгч дарук Сергей Кириенкон темдглсәр, тиим марһаст орлцсн мергҗлтнр улм дааврта болна, эднд орн-нутгиннь болн олн-әмтнә сә хәәҗ, медрлән болн дамшлтан олзлдг саам учрна гив.
ОЛЬДАН Цаһан

Видео