Цанид Чөөрә хурлд болсн йосрхл

28-05-2026, 11:03 | Новости, Таңһчин зәңгс, Зіњг

Көтчнрә района әмтн эврә хурлдан цуглрҗ мөргүлд орад, буйнта керг-үүлдвр күцәв.
Давсн нарн өдр иигәд көтчнрәхн haл тәклhнә шаҗна йосрхлд орлцв. Дән-даҗг уга амулң-менд бәәхин төлә цуглрсн әмтн мөргҗ зальврв.
Эн өдрин кемд үдин цагла хурлын өөр Көтчнрә бичкдүдин билг-эрдмин сурһулин күүкд-көвүд концерт үзүлҗ, Бурхн Багшт, бурхна номд болн шаҗна хувргудт көгҗмин белгән нерәдв.
Цанид Чөөрә хурл Көтчнрә районд давсн җилин һаха сард секгдсн билә. Ода энд мөргүлмүд болн шаҗна нань чигн йосрхл күцәгднә. Әмтн нааран оларн ирҗ, мөргүлд орлцҗ, амулң-менд җирһлин төлә зальврна.

Видео