Баһчудын седвәр дөңнв

Сегодня, 14:53 | Общество, Таңһчин зәңгс, Зіњг

Таңһчин Улсин Хуралын Ахлач Артем Михайлов таңһчин зака үүдәгч хургин медлд үүлддг баһчудын олна палатын ахлач Дорҗин Санлта харһв.
Харһлтд баһчудын олна палатын дарани хургт босхгдх төрмүдин тускар күүндвр болв. Дорҗин Санл таңһчин Улсин Хуралын улд «ПолитЗавод» сурһулин төсвд баһчудын олна палатын гешүдиг орлцулх седвәр татв. Таңһчин Улсин Хуралын Ахлач баһчудла дамшлтарн хувалцҗ, баһ наста улс олна бәәдл-җирһлд шунмһаһар орлцхиг урмдулхд дөңгән күргх болв. Тиигәд, әмтнәс орҗ ирсн эрлһс шинҗллһнә, зака үүдәгч керг-үүлдврин туст баһчудт селвг өггдхмн.
Артем Михайловин темдглсәр, депутатнр баһчудын седвәр дөңнҗ, шунлтта болн төрскнч седклтә баһчудыг өскхин төлә олна ниицәнлә хамцу үүлдҗ, цуг халхин дөң күргхмн.

БАТАН Сәәхлә

Видео