Залу-зөргин кичәлд орлцв

10-10-2026, 11:28 | Общество, Таңһчин зәңгс, Зіњг, Сурєуль-эрдм

Б.Б.Городовиковин нертә Городовиковск балһсна олн салврта гимназин болн Луганск Улсин Республикин В.В.Шевченкон нертә Нижненагольчикск дунд сурһулин сурһульчнрла хамдан «Лица дружбы» шаңһа төсв күцәлһнә йовудт залу-зөргин кичәл давулв.
Гимназин һардач Виктория Лайпанова керг-үүлдвриг нүр үгәр секәд, Төрскән харсачнрин ач-тусинь темдглв. Тууҗин багш Дарья Бувенова Төрскән хасгч Алдр дәәнә цагт Кавказиг сулдхлһна туст болсн дәәлдәнә тускар цәәлһҗ келв. Салдсмудын туурмҗин тускар тодрхаһар медҗ, эн санлыг цааранднь чигн әрүнәр хадһлҗ йовх кергтә гиҗ көвүд-күүкд темдглсн болдг. Сурһульчнрин хоорнд ирлцңгү төрәр давулсн марһанд арвтнр шунмһаһар орлцад, дәәнә цагин йовдлмудын туск медрлән улм гүүдүлв.
ОЛЬДАН Цаһан

Видео