Әрәсән марһанд орлцв

13-10-2026, 12:02 | Общество, Таңһчин зәңгс, Зіњг

Одахн Кемеровск мүҗд «Шахтермудын туурмҗ» гидг марһана йовудт сул бөк бәрлдәнә Әрәсән марһан болв. Хальмг Таңһчин Толһач Хаска Бату терүнә секлһнд орлцад, Әрәсән улсин ниицлтин җилд иим чинртә марһан бүрдәгдсиг өөдәнәр үнләд, спорт чидлтә, дааврта болн өмәрән зүткдг улсиг өскхд туслна гив.
- Хальмг Таңһч болн Кузбасс нег-негнәсн хол бәәдг бийнь спортын авъясмуд мадниг өөрдүлҗәнә. Энд җил болһн «Шахтермудын туурмҗ» гидг марһан болна, эн җил болхла терүнә йовудт сул бөк бәрлдәнә Әрәсән марһан түрүн болҗ давулгдв. Эн марһа давуллһнд нилчән күргсн спортсменмүдт, дамшачнрт, зарһчнрт, бүрдәһәчнрт болн гиичнрт ханлтан өргҗәнәв. Кемеровск мүҗин һардач Илья Середюкд, Әрәсән Федерацин сенатор, Кемеровск мүҗин спортын бөк бәрлдәнә федерацин президент Александр Брыксинд сән седвәр татад, спортын делгрлтд нилчән күргҗәдг төләднь ханлтан медүлҗәнәв. Әрәсән улсин ниицлтин җилд бидн нег-негндән дөң күргҗ ниитә бәәхиг иткүлҗәнәвидн, - гиҗ Хаска Бату темдглв.
БАТАН Наталья

Видео