Нег һазра бөкиг йөрәв

Сегодня, 14:56 | Спорт, Таңһчин зәңгс, Зіњг

Шидр нег һазра мана бөк Лари Джальджиреев Fight Nights 143 компаня марһанд диилвр бәрснә туск байрта зәңг ирв. Таңһчин Толһач Хаска Бату мана спортсмениг диилвр бәрснләнь йөрәв.
- Харһлт зөвәр зүткәтә болн үзмҗтә болв. Кабардино-Балкарин спортсмен Кантемир Шогеновла хоюрн өөдән сән белдвр үзүләд, эдн марһлдв. Харһлтын ашар зарһчнрин нег мөслгч шиидврәр мана бөк диилвр бәрв. Цааранднь чигн ик күцәмҗ бәрҗ диилвр бәрҗ йовхиг Ларид дурдҗанав, - гиҗ Бату Сергеевич энүг йөрәв.
БАТАН Сәәхлә

Видео