Шаҗна халхар күүндв

Сегодня, 14:48 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Давсн долан хонгт мана таңһчур Тыва Республикин Камбы Лам Лоден Шераб залрҗ ирв. Хальмг Таңһчин Толһач Хаска Бату күндтә гиичлә харһад, мана улсин хоорнд батлгдсн ах-дүүнрин залһлдана тускар күүндв. Хальмгин Шаҗн Лам гевш Тензин Чойдак эн харһлтд бас орцлв.
- Бидн бурхн-шаҗна ном-сурһаль хадһлҗадг улс мөн, мана өвкнр заясн герәслә ирлцҗ бәәнәвидн. Бидн бурхн-шаҗна сурһуль делгрүллһнә, сойлын болн шаҗна зөөр хадһллһна тускар күүндвидн. Хамдан нөкцҗ үүлдәд, хамцу төсвс күцәхәр зуралҗанавидн. Тиигәд, Элстд баһчудын шаҗна ик хург давулх санан бәәнә. Иим керг-үүлдвр мана баһчудыг хамцулхнь лавта, - гиҗ Бату Сергеевич темдглв.
Мана улсин хоорнд шаҗна болн сойлын ниицлт батрулхар зүткҗәдг төләднь Тыван Камбы Лам Лоден Шерабд болн Хальмгин Шаҗн Лам гевш Тензин Чойдакд таңһчин Толһач ханлтан өргв.

Видео