Арһлачнрин үүлдвриг үнлв

Сегодня, 14:50 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Таңһчин Толһач Хаска Бату дер кедг MeComfo болн өлг-эдин «Интерстрой» бүрдәцст одв. MeComfo бүрдәсн арһлач Максим Проноза дер кеҗ һарһдг бүрдәцин үүлдврин тускар келҗ өгәд, эднә эд-тавр хулдачнр дунд ик тааслт олсиг заав. Келхд, эднә кегдлмүдиг ниигмин сүлҗәнә эв-арһар хулдҗ авч болхмн гиҗ эн келв. Бүрдәцин көдләчнр дер келһнә йовудыг үзүләд, терүг хулдхд белдҗ эд-бод кев.
Өлг-эд кедг фабрикин һардач Увшан Любовин келсәр, бүрдәц хөрн җилдән олзта-орутаһар көдлҗәнә. Эдн кергән делгрүлхин төлә дем авсн билә. Тер мөңгәр эдн шин бәәр тосхв, кергсл хулдҗ авв. Хаска Бату фабрикин көдләчнрлә хамдан өлг-эд келһнд орлцҗ үзв.
- Промышленностин болн эд-бод келһнә халхар ямр чигн седвәриг дөңнх кергтә гиҗ санҗанав. Бидн ик төсвс күцәхдән белн бәәнәвидн. Таңһчд эврәннь төсвсән күцәҗәдг арһлачнрт ханлтан өргҗәнәв. Эврәннь седвәрән күцәтн, бидн тана керг делгрүллһнд дөңгән күргхвидн, - гиҗ Хаска Бату иткүлв.
БАТАН Сәәхлә

Видео