Суңһачнрт нөкд болхар

Сегодня, 13:20 | Общество, Таңһчин зәңгс, Зіњг

Хальмг Таңһчин Толһач Хаска Батун седвәрәр Улсин Хуралын депутатнр суңһачнрла дару-дарунь харһад, кесн көдлмшин тооцаһан өгх зөвтә. Тиигәд таңһчин Улсин Хуралын депутатнр әмтнлә харһад, тедниг үүмүлҗәдг төрмүдәр соньмсна. Шидр таңһчин зака үүдәгч Хургин Ахлач Артем Михайлов, депутатнр Дорҗин Артур болн Кокан Михаил суңһачнрла харһад, эднә төрмүдт орлцв.
Әмтн баһчудт төрскнч сурһмҗ өглһнә керг-үүлдврмүдин, эрмдгтә улст олна көлгәр йовлһна халхар онц зөв батллһна, спортын бүрдәцд бәәр йилһҗ өглһнә, селәнә эдл-ахуд йиртмҗ харлһна эв-арһс олзллһна, гер-бүүрин болн эмәр тетклһнә төрмүд босхв. Депутатнр эднә төрмүдәр цәәлһвр өгәд, тедниг хаһлхд дөң-тусан күргх болв.
ДООҖАН Наталья