Тґрскн келір медрл ґглєні нўўрт

Хальмг улсин сурhуь-эрпдмин тууҗд 1993-1994 сурhулин җил онц орм эзлв. Эн җилəс авн негдгч классин сурhульчнр медрлəн төрскн хальмг келəрн эклҗ дассмн.

Төрскн келəр сурлhн, төрскн келəр медрл авлhн – цань уга ик чинртə йовдл, эн цань уга байрта керг. Ямаран чигн кергт юмна эклц эркн чинртə болдг.

Тер сурhулин җил мана Хальмг Таӊhчд келн-улсин hучн класс секгдсмн, терүн дотр мана Советск Союзин Герой Николай Мартынович Санджировин нертə Цаhан-Нуурин дундын школд бас иим хойр класс, дəкəд Чарлакта болн Лиҗин Худг гидг фермд бас неҗəд класс секгдсмн.

Келн- улсин классмуд секгдсн нəəрт нерəдгдсн «Алтн товч » гид ик байр давулгдла. Эн байрт мана багшнр, сурhульчнр, эк-эцкнр, района сурєуль-эрдмин əӊг шунмhа кевəр орлцла.

Хальмг келəр сурhульчнрт медрл өгх, керг үүлдвр күцəх, ик даалврта күцл авснь: Хальмг Таӊhчин ачта багш Шонтан Ольга Борисовна, Марсуна Светлана Петровна ( Әрəсə Федерацин сурhуль-эрдмин ачта көдлəч) , Маден Марина Геннадьевна, Песчана Цаган Арашевна , сурhмҗлачнр Лижин Александра Борисовна (Әрəсə Федерацин сурhуль-эрдмин ачта көдлəч), Җивинə Любовь Дмитриевна, көгҗмч Лиҗин Владимир Санджиевич.

Цааранднь келн- улсин классмудт көдлəд, хальмг келəн делгрүлҗ йовсн багшнр Эрнжнə Раиса Николаевна, Көкин Вера Ивановна , Баджан Любовь Сергеевна, (ода эдн ачта амрлhнд бəəнə). Ээҗ болҗ көдлҗ йовсн Баснга Мацк Катаевна эврəннь сурhульнртан төрскн келəн, сойлан, тууҗан медҗ автха гиhəд зүткдг билə. Һундл төрхд, үндсни болн сойлын темдгəн əрвлҗ, хадhлҗ йовсн , Хальмг Таӊhчин Ачта багш Мацк Катаевна ода мадн дунд уга.

Тер цагас авн хөрн җил давв. Эн түрүн келн-улсин сурhульчнрас Төрскндəн дурта, тоомсрта улс өсч босв гих кергтə. Тедн дундас багшин эрдм дасад, Элст балhсна школд көдлҗəх Ээнəн (Марсуна) Раиса – түрүн болҗ Хальмг Таӊhчин Президентин «Келнə билг» гидг мөрəhəр багштаhан хамдан (Анҗура Татьяна Ямановна) ачлгдла. Yрүҗрə Валя –«Келнə билг»мөрəн лауреат, Цаhан-Нуура дундын школан цаhан мөӊгн медаляр төгсəhəд, деед сурhуль чилəhəд, көдлҗ йовна. Боокан Виталий – деед сурhуль Санкт-Петербургт чилəhəд, Хальмг Таӊhчдан ирҗ көдлəд, «Иткл» баhчудын ниицəнд орлцад, Таӊhчан эргҗ, əмтнə, баhчудын толhаднь, седклднь иткл орулҗ, хальмг келəн, сойлан делгрүлҗ йовна. Боован Илья – hазадын орнд көдлҗ йовна, тенд хальмг келəрн ончрҗ йовна. Конкин Тамара – Әəдрхнə эмчин Академь чилəhəд Городовиковин нертө балhснд көдлнə, Шонхра Надя – Ростовин деед эмчин сурhуль төгсəhəд, Октябрьск района Ик Царӊд ик эмчəр көдлҗ йовна. Марсуна Сергей, Хатуhа Цаган, Севктин Цаhан, Ноонин Араш, Хоҗhра Кема, Рюмшина Ира, Ивана Болха болн нань чигн күүкд, көвүд деед сурhуль чилəhəд, көдлəд, бас Хальмг Таӊhчдан тусан күргҗ йовна.

Ода хөрн җил давсн хөөн, эн түрүн келн-əмнтə сурhульчнр школд сурч йовсн цаган сергəҗ келхлəрн, эдн соньн медрлтə, дала зөөр,билг хоршаҗ авлавидн гинə.

Эн хөрн җилин туршарт мана келн-əмтнə сурhульчнр «Yгин урлдан» гидг телеүзгдлин наднд нурhлҗ түрүн орм эзлҗ йовла, эдниг белдсн багшнр Көкин Вера Ивановна, Маден Наталья Генадьевна (Әрəсə Федерацин сурhуль-эрдмин ачта көдлəч). Района, таӊhчин марhанд, олимпиадт шунмhа кевəр орлцҗ йовсн, школан төгсəсн сурhульчнр: Энян Рая, Yрүҗрə Валя, Лиҗин Витя, Нуура Гилян, Очра Цаган, Уруса Кермн, Боҗhа Замык, Шевельдена Алёна, Шовhра Баира, Лиҗин Очр, Лиҗин Саша, Ивана Булhн.

Сүл җилмүдин туршарт келн- улсин классмудин сурhульчнр таӊhчин, района олимпиадт орлцад, төрскн келəр, тод үзгəр нүүрлгч орм эзлнə. Иигід, Шевельдена Вика (багшнь Лиҗин А.Б.) – 1-гч орм района , 2-гч орм таӊhчин олимпиадт хальмг келəр, Тосна Эркин ( багшнь Сангаджин М.В.) 1-гч орм района болн таӊhчин олимпиадт тод бичгəр, Музан Муслим – 1-гч орм района олимпиадт тод бичгəр. Боган Алина (багшнь Конкин Н.Г.) – 1-гч орм района олимпиадт , Дҗимбин Энкр (багшнь Марсуна С.П.) – 1-гч орм района болн таӊhчин олимпиадт хальмг келəр нўр орм эзлљісмн. Хальмг келнə багш Анҗура ЯманаТатьянан (Әрəсə Федерацин сурhуль-эрдмин ачта көдлəч) сурhульчнр җил болhн района болн таӊhчин олимпиадт нүүрлгч орм эзлнə. Эврəннь көдлмштəн бидн сурhуль-эрдмин шин эв-арh, дегтрмүд ,көтлвр олзлнавидн.

Иигəд, мана Цаhан-Нуура дундын школын багшнр, хальмг келəн сурhульчнртан дасхҗ, Төрскндəн дурта болдгиг сурhмҗлҗ, төрскнч улс өскхəр зүткнəвидн.

Дəкəд болхла, эн җил мана школ 110-җилин өөн темдглҗəнə. Тигəд бидн ода эклц классмудт көдлҗəх багшнр, кесг җил хооран көдлҗ йовсн, хальмг келні классмуд батллєнд тівцін орулсн, деер заагдснбагшнриг школынґґнд ирљ орлцтха, гиљ эрҗəнəвидн.