Дааврта хіліц кергті

07-08-2019, 14:09 | Таңһчин зәңгс » Сурєуль-эрдм

Зуна цаг чилљ йовна, август сар эклв. Сурєульчнр ода чигн эрўл-мендін батрулљ лагерьмўдт амра. Зірмстнь єурвдгч селгін эклсн бііні. Хальмг университетин санаторий-профилакторийин ул деер ўўлдљіх «Љањєр» лагерьт єурвдгч селгін август сарин 9-д эклід 26-д тґгсх. Энд педагогическ отрядын оютнр вожатнр болљ лагерь бўрдсніс авн кґдлљіні.
«Вожатнр олн зўсн керг-ўллдвр кені, бичкдўдин болн арвтнрин амрлєиг соньн кевір бўрдіхір шунна, кесг экскурсьт, аянд (поход) теднлі єарч йовна. Профилакторийин замчнр кесг районас болн Элстіс ирсн кґвўд-кўўкдт шимті хот-хол кені. Мана эмчнр тедні эрўл-мендинь бўрткні. Тегід амрлєн бичкдўдт йир икір таасгдна, зірмснь нам љил болєн лагерьт ирні», - гиљ санаторий-профилакторийин ах эмч Любовь Кичаевна Джексембекова келні.
Тањєчд эн љил дікід 3 лагерь ўўлдљіні: Целинн района «Сайгачонок», Кґтчнрі «Родничок» болн Городовиковск района «Березка». Эднід хойрдгч селгін «Улм шулуєар, ґґдінір, чањєар» («Быстрее. Выше. Сильнее») гиљ нірідгдлі. Тиим кевір бичкдўдиг болн арвтнриг физкультурт болн спортд орлцуллєна программ эн селгіні йовудт кўцігдв. Кўўкд кесг марєанд орлцв, цогц-махмудан батрулад чањє-чиирг болв. Йирин зуна цаг спортын занятин тґлі ик туста, лагерь болєнд бассейн эс гиљ бичкн нур бііх зґвті. Тиигхлі бичкдўд ґґмдг дасад, љирєлин зірм іімшгіс гетлх. Болв ода деерін лагерьмўдт тиим таал уга.
Хойрдгч селгіні йовудт «Сайгачонок» гидг бичкдўдин лагерьт 80 кўн, «Родничокд» - 80, «Березкад» - 60, «Љањєрт» - 95 арвтнр амрв. Тиигчкід энд наркотиклі ноолдлєна шишлњ селгін бўрдігдв. Энўні кемљінд 30 кўўкд амрв. Ут- турштан тањєчд 345 бичкдўд июль сарин эргцд амрв. Одахн болхла цуг лагерьмўдин эзлљісн аєуг іімшгті хорха-хотнас харсч эд-бод кеєід, гермўдт хорасинь ахулв, эдн ода єурвдгч селгієін эклв.
Тер мет тањєчин сурєуль-эрдмин болн номин министерств «Артек», «Орленок» болн «Смена» лагерьмўдт амрлєна тґлі путевк єарєљ ґгв. Иигід июнь сарин 20-с авн июлин 12 кўртл 7-ч селгінд орлцхин тґлі 14 кўўкн-кґвўн «Артекд» йовулгдв. «Смена» лагерьт «Ўўділтин академь» («Академия товорчества») гидг селгіні йовудт 10 кўн Хар тењгсин кґвід амрв. Тер мет «Орленок» лагерьт июлин 17-с авн август сарин 6 кўртл 10 бичкдўд цаган сергмљтієір давулв.
Тањєчин єардвр чигн бичкдўдин амрлєнд онц оньган ґгні. Иигід тањєчин Толєачин ўўлиг цаг зуур дааєач Бату Хасиков эн љил Яшалтан района «Лесная сказка» бичкдўдин лагерь шинрўллєні тґлі 17 сай арслњ йовулх. Ірісін правительствин кґрњгин сањ ґгсн 350 сай арслњгас тер мґњгн йилєгдх. Яшалтан района толєач Сергей Точка болхла района бюджетіс лагерьт ясврин кґдлмш кўціхин тґлі 2 сай арслњ єарєљ ґгх саната, тиим кевір ясврин тґлі кергті 19 сай арслњ олдхмн. «Эн кґдлмшин тґлі бас немр мґњг олљ авхин тускар бидн Сергей Викторовичлі ўгцвидн, тиим кевір лагерьт сін чинрті ясвр кеєід, терўні ўўлдвриг шиніс улм сін таалд эклљ болљана»,- гиљ Бату Хасиков тоолвран келв.
Хойрдгч болн негдгч селгіні йовудт бичкдўд эрўл-мендін сіінір батрулв гиљ тањєчин Роспотребнадзорин заллтын специалистнр бас ашан диглв. «Хойрдгч селіні йовудт зуг стационарн лагерьмўд кґдлв, эднід сін медицинск оборудовань, фитотерапий келєні аппаратур бііні, тегід эдн бичкдўдин эрўл-мендинь йостаєар чањєана»,- гиљ эдн тоолвран келв.
Тиигљ эн љил мана бичкдўд амрчана, эдні лагерьмўдин таал цаг ирвіс ясрад йовх гиљ батар ицљ болљана.

ЉААХАН Бадм

Видео