Зуна сәәхн цаг ирв. Бичкдүд теңгсин көвәд болн ө-шуһу модта һазрт, энд таңһчд эс гиҗ талдан регионмудт одҗ амрна. Кесгнь болхла Элст балһснд болн райодт сурһульмудын уд деер үүлддг зуна лагерьмүдт цаган сергмҗтәһәр давулҗ байрлна. Үлгүрнь, Элстин 23-ч тойгта сурһулин лагерьт амрлһна төлә цуг таал тогтагдсн бәәнә.

Шидр Хальмг Таңһчин селәнә эдл-ахун министрин үүлиг цаг зуур дааҗадг Тимур Гаваев Городовиковск районд одв. Тимур Сергеевич Городовиковск района муниципальн бүрдәцин толһач Валерий Абушиновла болн АПК-н әңгин мергҗлтнрлә хамдан тәрсн тәрәг йовҗ хәләв

Өцклдүр, мөчн сарин 23-д, таңһчин сурһульмудт 9-ч болн 11-ч классмудын арвтнрин төлә төгсәһәчнрин байрин асхн болв.

В соответствии с поручением Президента России на всей территории страны созданы центры военно-спортивной подготовки и патриотического воспитания молодежи. Для размещения указанных центров выбрано двенадцать регионов, в число которых вошла и Республика Калмыкия.

Эндр мана орн-нутгт баһчудын сән Өдр темдглгдҗәнә. Эн сән өдр тууҗан Советин Союзин цагас авн эклнә. Урднь баһчудын Өдриг мөчн сарин 27-д темдглдг билә, одахн болхла Әрәсән Президент Владимир Путинә зәрлгәр эн байрин өдр гиҗ мөчн сарин сүл бемб өдриг батлв.

Найн хойр җил хооран хамгин әәмшгтә дән эклв. Тенд әмнәсн хаһцсн баатрмудын санлынь тевчҗ, кесг миңһн хорһн шам шатаввидн. Эннь мана өвкнрт ик ханлтын темдг болҗана, гиҗ таңһчин Толһач Хаска Бату темдглв.

Шидр «Негдсн Әрәсә» партин хург болв. Парть шинрүлгдҗ, олна төлә үүлдхдән белн бәәнә. Келхд, эндр «Негдсн Әрәсә» партин ханьд медрлтә, дааврта, төрскнч седклтә улс орна.

Эндр Элст балһснд «Әрәсән көдлмш. Арһсин цаг» гидг көдлмшәр тетклһнә Цугәрәсән яарм болв. Эн җил Әрәсән правительствин Ахлачин дарук Татьяна Голикован даалһврар «Демографь» гидг келн-улсин төсвин медлд эн керг-үүлдвр түрүн болҗ орн-нутгин цуг регионмудт бүрдәгдв. Терүнд көдлмш хәәҗәх улс болн көдләчнр керглгдҗәх бүрдәцс орлцв. Яарм эн җил хойр девсңгәр бүрдәгдв. Тиигәд, түрүн девсңгнь региональн чинртә бәәсмн, мана таңһчд тер мөрн сарин 14-д болсн билә. Федеральн девсңгнь мөчн сарин 23-д онлайн болн офлайн кевәр цуг регионмудт, тер тоод мана таңһчд давулгдв. «Көдлмш Әрәсәд» гидг шаңһа порталд шишлң халх бүрдәгдв, терүнд күн болһн биидән тааста эрдмәрн көдлмш олҗ чадв.

Һарин хурһднь алтн, һартан өөтә, ик билгтә күн, гиҗ Ик Буурлд бәәдг Светлана Муеван (зургт) тускар нег һазра улснь, таньл-үзлнь чигн келдгнь мел үнн бәәҗ. Яһад медвч гихлә, шидр көдлмшин халхар Ик Буурла районд одсн саамдан дигтә эн билгтин шишлң һәәхүл секгдснлә харһад бәәвв. Района сойлын төвд эн билгтин кегдлмүдиг, тер дотр ке-сәәхн олн зүсн өңгтә тасмар хатхсн цецгүдиг, үзм цацу һәәхмҗтә тоотд авлгдҗ, йосндан бахтнач! Нег саамд зургудтнь хатхсн цецгүднь мел йоста болҗ медгдв, һаза сад-һарудт урһҗадгас юуһарн чигн йилһрҗәдго гиҗ санад, тедү мет лавтаһар яһж хатхҗ болхий гиҗ итклго өөрдәд шитлҗ хәләсмн тер. Акад юмн,әмд күн ю эс кеҗ чадна, нег үлү һартан урн күн хурһнаннь үзүрәр чигн олн зүсн кегдлмүд кеҗ эс һарһна биший, хәрнь, тегәд чигн альхна хазн чилдго гиҗ кезәнә басл хара бишәр келгдсн болдг гиҗ сангдв.