Аршан селәнд усн орв

20-05-2020, 19:36 | Таңһчин зәңгс » Эндрк ґдрин тґрір

Давсн җилин чилгчәр Элст балһсна өөр-шидр бәәх Аршан селәнд ус оруллһна программин негдгч девсң төгсәгдв. Одахн хотл балһсна администрацин һардач Дмитрий Трапезников «Элиставодоканал» предприятин һардач орлцлһтаһар Аршан селәг усар тетклһнә төрәр көдлмшч селвлцә һардҗ давулв.
Аршан селәнд әмтнә гермүдт ус орулх төриг ахр болзгт күцәх күцл тәвгдҗәнә. Ода әмтн гертән ус оруллһна туст техническ таалла ирлцҗәх зөвшәлин цаасан авчана. Ода деерән бәәрн улс эн туст 82 эрлһ бичҗ орулҗ өгчксмн, эднәс 23 күн зөвшәлән авчксмн, 9 герин эздүд туслмҗ авлһна туст тооцана тойгуд темдглҗ авчкҗ.
2019 җилин чилгчәр «Жилищн-комунальн туслмҗ өглһнә чинринь өөдлүллһн, Хальмг Таңһчин жилищн коммунальн комплексин инфраструктурин делгрлт» гидг государственн программиг күцәлһнә йовудт Элст балһсна тосхлтын Заллтын болн «Газводстрой» ООО-н хоорнд бооцан батлгдв. Бооцанас иштә эн подрядн организац Аршан селәнд усна сурвлҗ тосхлһна көдлмш күцәх зөвтә болв. Эн кергт 19 сай арслңга мөңгн һарһгдхмн. Аршан селәнд утдан 6,2 дуунад усна сурвлҗн тосхгдв.

Мана зәңгч

Аршан селәнд усн орв

Видео