Олн улс амрдг һазриг ясрулхмн

22-05-2020, 11:11 | Таңһчин зәңгс » Эндрк ґдрин тґрір

2020 җилд таңһчд «Балһснд таалмҗта бәәдл тогталһн» гидг федеральн төсв цааранднь бәәдл-җирһлд тохрагдҗана. Эн җил эн программин йовудт таңһчин Октябрьск, Яшкулин, Сарпинск, Көтчнрә, Баһ Дөрвдә, Лаганя, Приютна райодт болн Элстд олн улс амрдг һазриг ясрулхмн. Эннь ик зуудан парксин болн сквермүдин бәәдлинь шинрүлҗ, кец-таалынь ясхмн.
Эн җилин эклцәр программд орлцҗах селәдин болн балһсдын әмтн дууһан өгч, ясрулгдх һазриг бийснь шүүҗ авсн болдг. Кен чигн күн олн улс амрдг һазриг ясрулхин төлә дууһан өглһнә керг-үүлдврт орлцх арһта билә.
Энтн медәтә улс, бичкдүд, баһчуд сул цаган давулҗ, амрдг һазрин бәәдлиг ясрулхмн. Олн улс амрлһна һазрт әмтнә төлә таалмҗта, эрүл-мендд әәмшг учрашго, сән таал тогтагдх зөвтә гиҗ таңһчин Толһач Бату Хасиков тоолҗана. Тер мет олн урһа модд, цецгүд тәрҗ, һазриг кеерүлх кергтә. Күн болһн харшлт угаһар тиигәрән күрч чадхин төләд хаалһ бәәх зөвтә. Дәкәд болхла паркин болн скверин бәәдлинь ясрулсн кемд тер селәнә эс гиҗ балһсна ончинь темдглҗ, учртан авч кеерүлхлә сән болхмн. Олн улс амрлһна һазриг ясруллһна көдлмш күцәҗәх тосхлтын организацс терүг төртән авх зөвтә.

Видео