Цуг кергтә тоотар теткгдв

29-05-2020, 20:00 | Таңһчин зәңгс » Эндрк ґдрин тґрір

Эндр өдр зарһин пристав болһна компьютер «АИС ФССП России» гидг программн комплексәр теткгдв. Эннь приставмудын көдлмшиг зөвәр гөңглүлв. Зарһин приставмуд эн программин нилчәр цуг күцәгч керг-үүлиг дегц то-дигд авна, зарһин шиидврмүдиг күцәлһнә цаас белднә, статистическ тооца кенә болн нань чигн керг күцәнә. Тегәд чигн эн программас иштә приставмудын цагнь әрвлгднә, аштнь эдн өртә улсин туст кеҗәх көдлмшт ик оньган тусхаҗ, теднд ямаран өлг-эд бәәхинь бүрткҗ чадҗана.
Хальмгин ах зарһин пристав Роман Мухортовин келсәр, «АИС ФССП России» гидг программин көрңд таңһчин зарһин приставмудын әңгүдт бүтәгдсн цуг күцәгч керг-үүлин тускар зәңг авч болхмн. Эндр өдр ут тоодан 146 миңһ һар күцәгч керг-үүл бүтәгдсн бәәнә.
Зарһин приставмуд кесг государственн структурмудин болн организацсин электронн бәәдләр хадһлгдҗах то-диглә таньлдҗ, бачм кевәр өртә улсин болн теднд ямаран өлг-эд бәәдгин тускар медҗ авдг арһта болв.
Келхд, зарһин приставмуд алвна органмудын электронн то-дигин дөңгәр онц арһлачнрин болн организацсин тускар цуг кергтә тоот медҗ авч чадҗана. Теднә юридическ хайгнь, ямаран өлг-эд бәәхнь, кен бүрдәһәчнр болҗахнь, ямаран банкст тооцана тойгуд бәәдгин тускар медҗ авна. Зөв-йос харлһна халхин элчнр ГИБДД-н көдләчнрлә нөкцҗ үүлдҗ, өртә улст көлг-күчн бәәх угаһинь медҗ авад, терүгинь бәрәнд авад, хулдад өринь даңцана. Тер мет Әрәсән олн банкста залһлда бәрҗ үүлдҗ, теднәс өртә улсин нернд темдглҗ бичгдсн тооцана тойгудын тускар зәңг авна.
Тиим кевәр таңһчд үүлддг Әрәсән УФССП-н көдләчнр өртә улсин болн теднә өлг-эдин тускар цугинь медҗ авад, зарһин шиидвр күцәнә.

АРЗАН Амулң

Видео