Дәкәд 37 дуунад хаалһс герлтх

29-05-2020, 20:04 | Таңһчин зәңгс » Эндрк ґдрин тґрір

2020 җилд Росавтодор медлд ордг «Каспий» Упрдор ФКУ «Каспий» Р-22 көлгн-күчнә хаалһин участкд, Көтчнрә района Ергенинский селәнә өөр-шидр, автоматическ кевәр залдг электрокүчнә герлтлһнә өдгә цагин систем тәвгдх. Энүнә төлә хаалһин тосхачнр селәнә өөр бәәх электрокүчнә сурлҗна бахнст 92 светодиодн шам өлгхмн. 1,47 дууна хаалһин участк герлткх.
Тер мет капитальн ясврин көдлмшин йовудт Үстин района Цаһан Амн селәнә өөр-шидр «Каспий» Р-22 көлгнә хаалһин участкиг 4,3 дуунад шамар теткхмн.
Энүнәс нань эн җил Хальмгт хаалһин эдл-ахун көдләчнр ут тоодан 7, 6 дуунад хаалһсин ниилврмүдт, төмр хаалһин һатллһна ормст шам тәвҗ герлтлүлх. Тер мет таңһчин Целинн района Троицкое селән өсч-өргҗҗ, меҗәнь икдҗәх учрар эн селәнә өөр-шидр «Каспий» Р-22 хаалһин участкд немр 64 бахн тәвгдҗ, 2 дуунад хаалһ герлткх.
Әәдрхн-Махачкала хаалһиг тосхлһна йовудт 2024 җил күртд күцәгдх хаалһсиг шинрүллһнә болн икдүллһнә комплексн зурала ирлцүлҗ 22 дунад хаалһс шамар теткгдх.
Көдлмшиг чиләхлә Хальмгт утдан дәкәд 37 дуунад хаалһс герлткгдх. Аштнь ут тоодан 60 дууна хаалһс шамин герлтә. Эннь харңһу кемд хаалһар йовҗ йовх көлгн-күчнә төлә әәмшг уга бәәдл тогтагдхмн.

АРЗАН Амулң

Видео