Тосхлтын йовудыг бүрткҗ болхмн

31-05-2020, 18:06 | Таңһчин зәңгс » Эндрк ґдрин тґрір

Элст балһсна шишлң сайтд онлайн-диг-даранд тосхлтын көдлмш болҗах һазриг халәҗ, шинҗлҗ болхмн. Әмтн тосхлтын 4 объектд яһҗ көдлмшиг күцәҗәхиг хәләҗ шинҗлдг арһта болв. Эннь Диилврин паркин бәәдлиг ясруллһна көдлмшиг, Некрасовин нертә уульнцд олн давхр герин тосхлтыг, 4-ч болн 5-ч тойгудта бичкдүдин садмудын ул деер немр бәәрин тосхлтын йовудыг шуд кевәр хәләҗ шинҗлҗ болҗана.
Тосхлһна көдлмшиг өдр-сө уга тасрхан угаһар үзүлҗәнә. Балһсна күн болһн өдр болһн яһҗ көдлмш кегдҗәхиг үзҗ чадҗана. Видео эв-арһар дамҗулад, тосхлтын йовудын тускар олнд зәңглҗ, медүлҗәнә. Тер мет объектд буру, хаҗһр йовдл учрашгон төләд әәмшг уга бәәдл теткҗәнә. Даруһас тосхлтын обьектсиг шуд кевәр цокҗ авч үзүлҗәх видеокамерин тооһинь икдүлхәр бәәнә.
Тосхлтын көдлмш кегдҗәх цуг объектс оданас авн Элстин администрацин өдр болһна бүртклһнд бәәдг деерән хотл балһсна күн болһна бүртклһнд чигн бәәнә.

МАНҖИН Амулң

Видео