Балһсна өмн үзгин уульнцсиг ясрулхмн

31-05-2020, 23:27 | Таңһчин зәңгс » Эндрк ґдрин тґрір

Таңһчин хотл балһсна өмн үзгин района кец-таалнь ясрулхмн. Элстин администрац балһсна өмн үзгин района уульнцсин хаалһсин ясвр келһнә көдлмшин зура ухалҗ бел кесмн. Девсң-девсңгәр кегдх ясврин көдлмшин зура болн хаалһсин диг-даран, көдлмшин түрүн девсң төгсәлһнә болзгнь удлго батлгдх. Темдглсн зурала ирлцүлҗ зуни түрүн сармудт балһсна өмн үзгин района арв һар уульнцин хаалһсиг ясруллһна көдлмш күцәхмн.
Одахн Дмитрий Трапезников балһсна цутхлңгас ууҗмд бәәх уульнцсиг шинҗлҗ хәләв. Тер кемд ар-барун үзгин районд бичкдүдин талвң бүрдәхәр бәәх ормиг хәләв. Теңгрин Уйдл уульнцд күүкд амрлһна төлә һазр ясрулҗ белдсмн. Олн улс амрлһна төлә эн шүүҗ авсн һазр зокаста гиҗ балһсна администрацин толһач зөвшәлв. Ахр цагин болзгт энд тренажермуд углҗ тәвх даалһвр өгв. Әмтн энд амрч, цевр аһар киилҗ, цогц-махмудан батрулҗ чадхмн. Цөөкн өдр давад, эн амрлһна һазрт бичкдүдин талвң углҗ тәвгдх.
Тер мет Дмитрий Трапезников даруһас Теңгрин уйдл уульнцд көлгн-күчнә хаалһиг тегшлүлҗ яслһна көдлмш кехиг балһсна эдл-ахун заллтд даалһв.

МАНҖИН Амулң

Видео