28 сай арслңга өлг-эд өрнә ормд авгдв

01-06-2020, 23:07 | Таңһчин зәңгс » Эндрк ґдрин тґрір

Өрнә ормд өлг-эдинь бәрәнд авлһн энтн әмтиг өрән өгхиг некчәх эв-арһ. Тегәд эн җилин дөрвн сарин эргцд Хальмгин зарһин приставмуд 353 күцәгч керг-үүлин йовудт өртә улсин 128 сай арслңга мөңгнә өлг-эд бәрәнд авсн болдг. Хулдгдх өлг-эдин үн 110 сай шаху арслң тогтаҗана. Келхд, әмтнә өринь даңцахар патьрмуд, гермүд, малын хошмуд, көлгн-күчн, селәнә эдл-ахун техник болн нань чигн хамг юмн хулдгдҗана. Әмтнә өлг-эдинь хулдад олсн мөңгәр эднә алиментин, жилищн-коммунальн туслмҗин, алвна, кредитин өриг даңцана.
Кемр өлг-эдинь өринь даңцахар бәрәнд авгдсн болхла, зарһин приставмуд эздүдтнь өлг-эдән олзлх зөвинь уурулҗ чадҗана. Кемрҗән әмтн өрин мөңгән күцц өгәд, өрән даңцахла, бәрәнд авгдсн өлг-эдинь хулдгдад уга бәәхлә, терүгинь хәрү эдүдтнь өгнә.
Үүлдҗәх заканас иштә өртә күүкнә һанц гер-бүүринь булаҗ авч болшго. Зуг ипотечн патьриг булаҗ авч болхмн. Хувц-хунрас, орндгас, ааһ-савас, хот-хоолас нань талдан зүсн-зүүл өлг-эдиг эздүдәснь зөвшәл сурлго өринь даңцалһнд күчәр авдг зөв зарһин приставмудт бәәнә. Тер мет өртә улсас эднә өрк-бүлин күн болһна төлә нег сарин эргцд кергтә болҗах кемҗәнә мөңгиг өрнд авх зөв уга.
Эн җилин эклцәс авн таңһчин өртә улсин өлг-эд «Сбербанк -АСТ» ЗАО-н универсальн хулд-гүүлгәнә платформд электронн бәәдлд хулдгдна.

МАНҖИН Амулң

#Приставы #УФССПКалмыкия #Долг #Новости #Алименты #Долги #Суд #Розыск

Видео