Йилєін сін музеймўд ачлгдв

29-06-2020, 17:37 | Таңһчин зәңгс » Марєан

Одахн мана тањєчд сурєулин йилєін сін музеймўдин марєана регионмудын девсњгин диилічнриг ачлв. Музеймўд, хорас эс гиљ булњгуд Тґрскін харсгч Алдр діінд Улан Іірмин селін болєна салдсмудын болн тылд кґдлљісн олн улсин єарєсн баатр йовдлын тускар келљ ґгх зґвті біісмн. Тиим «Тууљин санл» гидг нерті марєан-тґсвиг «Негдсн Ірісі» парть бўрдісмн.
Тґрскн єазрин цергі-тууљин зґґриг арвтнр гўўнір дасљ хадєлтха гисн санатаєар эн тґсв бўрдігдсмн. Тиим кевір партин тґсвин олна хўўвин элчнр, тууљ шинљлічнр, олна ўўлдічнр болн сурєуль-эрдмин салврин элчнр орљасн комиссь «Тґрскін харсгч Алдр дііні санлд нерідсн балєсна йилєін сін сурєулин музей (хора, булњ)» гидг номинацд диилічиг йилєљ авв. Марєана туск хуурмнь эн саамд тоод авгдв. Тиим кевір диилічин ґґдін нерн Элстин Н. Очировин нерті 8-ч тойгта СОШ-ин музейд зўўлєгдв. Призермудын тоод Лагань балєсна олн профильті гимназин болн Элст балєсна Б.Б.Городовиковин нерті 18-ч тойгта СОШ-ин музеймўд орв. Єурвдгч ормд Лагань балєсна 3-ч тойгта Л.Г.-Б. Очировин нерті СОШ, Элст балєсна 23-ч тойгта СОШ єарв.
«Йилєін сін селіні сурєулин музей» гидг номинацд Городовиковск района Виноградное селіні Ф.И.Дедовин нерті лицей диилічнь болв. Хойрдгч ормд Лаганя Т.О. Бембеевин нерті Джалыковск дундын сурєуль єарв, єурвдгч ормиг Ик-Буурла района Э. Чоноскаевин нерті Орєахна дундын сурєуль, Лаганя района Т. Л-Г. Лиджи-Гаряевин нерті Северн СОШ болн Элст балєсна В.А.Бембетовин нерті 10-ч тойгта СОШ эзлв. Эврі номинацд диилвр бірсн сурєульд марєана Цугірісін заочн девсњд орлцх.
Номинацд эс орсн бийнь комиссин гешўдин шиидврір марєана лауреатын тоод Элст балєсна бичкдўдин ўўділтин біішњгин (ДДТ) Улан Тугта 28-ч тойгта іірмин музей бас орв. ДДТ немр сурєулин учрежденьсин тоод орна, энўні музейд ховр бірмт-цаас, Тґрскін харсгч Алдр дііні цагин болн иргні дііні олн зўсн зер-зев ўзљ болхмн. Терўг тер хойр дііні біір бірлдіні єазрмудт малтлє кесні хґґн олљ авсмн. Музейин стендмўдт бас мана єазра улсин, тер тоод делкін Негдгч діінд хальмг орлцачнрин туск тууљин ховр зургуд ўзљ болхмн. Энд тууљин чинрті экспонатмудын ик сањ бііні, тедниг балєсна сурєульчнр хііврин отрядмудын «Хальмг Тањєч» гидг нерті негдлтлі хамдан кесн Санлын вахтын йовудт олљ авсмн. Тґрскін харсгч Алдр діінд диилвр бірсні 75 љилин ґґнин љилд музеймўдин марєа бўрділєн орта юмн болљана. Ямаран ик тівцін эн музеймўд бўрділєні кґдлмшт багшнр болн тедні сурєульчнр орулсиг жюрин гешўд сіінір медљ авв. Дііні баатрмудын, тылын кўч-кґлсчнрин ўўлдвр баєчудт, сурєульчнрт кезі чигн сін ўлгўр болна. Эндр ґдр чигн сурєулин музеймўд дііні туск санлыг хадєллєнд, тґрскн єазрин тууљиг мґњкрўллєнд ик тівцін орулљана.

Людмила ЧУРБАНОВА,
«Негдсн Ірісі» партин «Тууљин туск санл» гидг тґсвин региональн зўўцўліч

Видео