Олн улс амрдг єазриг ясрулљана

07-07-2020, 17:00 | Таңһчин зәңгс » Эндрк ґдрин тґрір

«Гер-бўўр болн балєсна біідл» гидг келн-улсин тґсвин «Таалмљта кец-таалта балєсна біідл тогталєн» гидг федеральн тґсвин йовудт Сарпан района Садовое селінд паркин єазриг ясрулљана. Эн љил тањєчд эн тґсвин йовудт олн улс амрдг ніімн єазрин кец-таалынь ясрулхмн. Эннь Приютна района Воробьевкд, Ик Царњд, Лаганьд, Бає Дґрвдт, Яшкульд, Садовое селінд, тер мет Элстд.
Шин хальдврта гем тўглєиг хґрлєні керг-ўўлдврмўд давулљах учрар тосхлтын организац зуг мґрн сарин 25-ас кґдлмшін эклв. Карантин зарлгдсна таалд, хґн сард хур дару-дарунь орад біів чигн тер бийнь тосхачнр темдглсн болзгасн оратлго кґдлмшін кељіні.
Эн ґдрмўдт Садовое селінд тротуарн плитк делгљіні, герл ґгдг панрмуд углљ тівљіні. Тер мет бичкдґдин болн спортивн талњгудын болн фонтана ул-сўўўринь кељ белдљіні. тер мет тосхлтыг эклхин урдаснь цуг белдврин кґдлмш кегдсмн. Эннь саалтг учраљасн ўрљ одсн моддыг кґрідід авсмн, хуучн эвдркі хашас, тґмр болн бетонн девскрмўд цуцлљ єарєљ авсн болдг.
Садовое селіні администрацин элчнр болн біірн імтн тосхлтын кґдлмшин йовудыг хіліљ шинљлні. Одахн Садововск СМО-н депутатнр паркд одљ, кўцісн кґдлмшин чинринь болн кемљієинь бўрткв. Эдн дуту-дунду олљ авсн уга.
Урдаснь імтн ясрулгдх єазриг шўўљ авлєна тґлі дууєан ґгч, эн кергір ик гидгір соньмсљасмн. Тер юњгад гихлі ут цагин эргцд біірн імтні тґлі сін кец-таалта амрлєна єазр уга билі, тегід тиим орм імтнд ик гидгір керглгдљісмн. Біірн улсин кесгнь эврі сін дурар цаєан седклірн ясруллєна кґдлмшт нґкд болљана. Імтн ик бає уга тесч ядад тосхлтын кґдлмш шулуєар чилхиг ик гидгір кўліљіні. ґґрхн иргчд эдн сін кец-таалта, таалмљта біідлті паркд амрч, сул цаган айта кевір давулхнь маєд уга.

АРЗАН Маргарита

Видео