Эрмдгтә улст – 300 һар кегдл

21-08-2020, 15:58 | Таңһчин зәңгс » Эндрк ґдрин тґрір

Шидр Әрәсән социальн даатхлһна саңгин Хальмг Таңһчар үүлддг региональн әңгд гемтә-шалтгта улсин төлә реабилитацин 316 техническ эв-арһ авч ирв. Эрмдгтә улсиг техническ эв-арһсар тетклһнә кергт 400 миңһн арслң олзлгдв.
Эн кегдлмүд шалтгта бичкдүдт болн бөдүн улст керглгдҗәнә. Эднд 117 тайг, түшәд йовдг 12 шишлң эв-арһ, 7 тергн болн күнд гемтә улст эркн кергтә 180 шишлң эв-арһ болн нань чигн кегдлмүд авгдв. Темдглхәс, эн җилин түрүн өрәлд гемтә-шалтгта улст реабилитацин 670 миңһн эв-арһ йилһгдв.
Пандемий учрсн болв чигн эн җил эрмдгтә улсиг техническ эв-арһсар тетклһнә төр дигтә-даратаһар күцәгдв. Коронавирус гемәс саглуллһна некврмүд күцәгдҗ гемтә улст кегдлмүдинь гертнь күргҗ өгнә. Техническ эв-арһс эрмдгтә күүнә реабилитацин онц көтлврәр йилһгднә. Терүг медико-социальн шинҗллтин һоллгч бюро батлна.

БАТАН Наталья
ЗУРГТ: реабилитацин техническ эв-арһс шинҗлҗәх кем

Видео