Өөдән нерн зүүлһгдв

31-08-2020, 15:54 | Таңһчин зәңгс » Эндрк ґдрин тґрір

Давсн долан хонгт Әрәсән Президент Владимир Путин шаңһа ачлврмудын туск зәрлг батлв. Терүнд орн-нутгин социальн-экономическ делгрлтд ик тәвцән орулсн болн олн җилин туршарт үнн-чик седклтәһәр көдлҗ йовх улст өөдән нерд зүүлһгдҗәхин, шаңһа орденәр ачлҗахин тускар келгдҗәнә.
Өөдән ачлвр авсн улс дунд Хальмг Таңһчин элчнр бәәхнь байр-бахмҗ үүдәв. Тиигәд, нертә зурач, Әрәсән зурачнрин ниицәнә Хальмг Таңһчар үүлддг региональн әңгин сегләтр Виктор Петрович Тереховд «Әрәсән Федерацин ачта зурач» гидг өөдән нерн зүүлһгдв. Элст балһсна 3-ч тойгта Н.Сергиенкон нертә сурһулин биологин багш Алла Алексеевна Кодлаевад «Әрәсән Федерацин ачта багш» гидг нерн зүүлһгдв. Шин сурһулин җилин өмн өргнд иим ачлвр авснь Алла Алексеевнад хойр дам байрта болн темдгтә болснь лавта.
В.Тереховиг болн А.Кодлаеваг бидн мана газетин умшачнрин нерн деерәс йөрәҗәнәвидн, энүнәс даву ачлвр авч, таңһчиннь болн орн-нутгиннь цецгәрлтин төлә олн җилдән үүлдҗ йовхиг дурдҗанавидн.

ДАВАН Наталья

Видео