Цаһан бадм цецг болн Тодо Бичг

04-09-2020, 15:10 | Таңһчин зәңгс » Эндрк ґдрин тґрір

Ноха сарин эклцәр бидн Хальмг Таңһчин ар үзгин килд бәәх “Гөрәсд” гидг бумблвиг шинрүллһнә тускар бичләвидн. Одахн таңһчин өмн үзгин Приютна болн Сарпулин Апанасенковск райодын кил деер бәәдг бумблв бас шинрүлсмн. Сарпулин талас хәләхлә эн бумблвин деер көк өнгтә төгрг дотр цаһан бадм цецг зурата бәәнә. Дәкәд болхла “Хальмг Таңһч” гиҗ тод бичгәр бичсн үгмүд эн көшәг кеерүлҗәнә. Хальмг Таңһчин талас болхла “Хаалһтн цаһан болтха” гидг йөрәлин үг бичәтә бәәнә. Эн бумблвиг дәкнәс сергҗ шинрүллһнә керг Приютна района ахлач Путян Байирин болн Приютн селәнә ахлач Коротенко Натальян седвәрәр кегдв. Ода болхла Хальмг Таңһч тал ар өмн үзгәс ирвчн шинрүлсн бумблвс мана хараг байрлулҗана.

МАЗУРА Юрий

Видео