Өөнин байрт белдҗәнә

07-09-2020, 13:50 | Таңһчин зәңгс » Эндрк ґдрин тґрір

Удл уга мана таңһчин хотл балһсн 155 җилин өөнән темдглхмн. Өөнин байр угтҗ Элст балһсна администрацин шиидврәр долан хонг болһн субботник бүрдәгдҗәнә. Терүнә йовудт министерствс-ведомствсин, бәәрн залврин органмудын, бүрдәцсин көдләчнр эргндк һазриг хог-богас ахулҗ, сән таал тогтаҗана.
Шидр Элст балһсна Хургин Ахлач Орзан Николай, ЭГС-ин депутатнр болн аппаратын көдләчнр, Элст балһсна бүртклһнә-тоолһна комиссин гешүд «Спутник» кафеһас авн «Элст» гиичлүрин өөр бәәдг олна көлгн-күчнә зогсал күртл хог-бог цуглулв. Ут тоодан эдн 43 мишк хог-бог цуглулҗ авв. Урднь бүрдәгдсн субботникд Элст балһсна Хургин депутатнр 8-ч микрорайонд Чернобыльск аюлд орлцад әмнәсн хаһцсн улсин санлд нерәдгдсн, Остап Бендерин болн «Темән-теегин эзн» гидг бумблвсин өөр шидр эргндк һазриг ахулсн билә.
Таңһчин министерствсин болн ведомствсин көдләчнр субботникд бас шунмһаһар орлцна, эдн көдлҗәх һазриннь эргндкиг хог-богас ахулҗ, хотл балһсна өөн угтҗ сән кец-таал тогтаҗана.

ДООҖАН Наталья

Видео