Олн давхр гермүдин ора ясчана

07-09-2020, 13:52 | Таңһчин зәңгс » Эндрк ґдрин тґрір

Һаха сарин нег шинәс авн мана таңһчд олн давхр гермүдин ора яслһна керг-үүлдврмүд эклв. Эн җил мана таңһчд ут тоодан 19 олн давхр герт орань шинрүлгдхмн гиҗ зуралгдҗана. Элст балһснд - 9, Яшлтад – 3, Лаганьд болн Яшкульд – 2, Ик Буурл болн Троицк селәдт неҗәд гермүд эн көтлврт орв. Энжл эн кергт 105,6 сай арслң йилһгдв, терүнәснь 81,9 сай арслң олн давхр гермүдт бәәдг улс цуглулсн мөңгн болна. Эн көтлвр мана таңһчд күцәҗәмҗтәһәр бәәдл-җирһлд тохрагдҗана. Сүл җилмүдин эргцд кесг гермүдт орань шинрүлгдҗ, өдгә кев-янзтаһар кегдв. Олн җилин туршарт хур-чиг орхла эс гиҗ цасн хәәлхлә деерк давхрт бәәдг улс ораһаснь дусал дусад эднд ик зовлң болдг бәәсмн. Ясврин көдлмш кегдснә хөөн үвлднь дулан, зуна цагт һаң халунд серүн болна гиҗ ясвр кегдсн гермүдт бәәдг улс темдглнә.

ДООҖАН Наталья