Малд көдлхәр седләв...

27-06-2024, 14:11 | Селәнә эдл-аху, Письма

Урд цагт оютнриг болн ах классмудын сурһульчнриг мал өскдг эдл-ахуст нөкд болхин төлә йовулдг билә. Хаврар төл авлһна кемд зунар болхла хөд кирһлһнд тедниг орлцулдг бәәсмн. Терүнә йовудт дорас өсч йовдг баһчуд мал өсклһн ямр күнд болн дааврта көдлмш болдгинь медҗ авч, тер мет невчкн мөңг олдг арһта билә. Арвн зурһата көвүм 10 классан төгсәһәд, эндр амрлһндан һарв. Зуни сармудт гертән хара суулго көдлмшт орхар седҗәнә. Эн туст өдгә цагт таңһчин малчнр арвтнриг көдлмшт авдгнь угаһинь медхәр седләв?
Санҗин Мергн,
Троицкое селән

Яшкулин района «Улан хөөч» АО тохма хөд өскдг эдл-ахун һардач Эрднин Арлтан мана умшачин сурврт хәрү өгв:
– Мана эдл-аху 18 нас күрсн болн энүнәс ах улсиг зуни цагт кирһлһнә көдлмшт авна. Тер юңгад гихлә мел 18-тә улс Әрәсән заканла ирлцҗ көдлдг зөвтә болна. Ут тоодан көдлдг улсин тоод бәәрн әмтн орна. Эндр болхла 18-тә арвн шаху күн көдлҗәнә. Кирһлһнә кемин йовудт көдлдг баһчудла бооца батлнавидн. Һанцхн хө кирһдг улсиг биш терүнәс нань хө татдг, ноос цуглулдг, ноос орадг, бәәр ахулдг болн талдан мергҗлтнр кергтә болна. Мел эн көдлмшт баһчудыг орлцулад җалв өгнәвидн, – гиҗ Арлтан Валерьевич цәәлһв.
Карсана Евгения

Видео