Сурһульчнрт нерәдсн мөргүлмүд

24-08-2024, 17:21 | Таңһчин зәңгс » Бурхн-шаҗна төрәр

Бурхн Багшин Алтн сүмд ноха сарин 18-д сурһульчнрт болн оютнрт нерәдсн мөргүл болв. Дарани тиим мөргүл ноха сарин 25-д болхмн.

Сурһулин шин җил эклхин өмн иим мөргүлмүд келһн сән авъяст тохрв. Таңһчин сурһульчнр болн оютнр хурлд ирәд, тер мөргүлмүдт орлцна. Җилин туршарт сурһуль сурлһнд цугнь туста болтха, гисн седклтәһәр күүкд-көвүд хурлд ирнә.
Хурлын гелңгүд Манзшрин гегәнә ном эднд умшна. Сурһуль күцәмҗтә болтха гисн мөргүлд сурһульчнр болн оютнр орлцад, хамг харш тоотыг уурулҗадг, хаҗһр йовдлас саглулдг, эрүл-менд дурддг номд орад, төвкнүн седклтәһәр сурһулин җилән эклнә.
ҖИРҺЛИН Кермн

Видео