Ветеранмуд Сарпульд ончрв

27-08-2024, 14:59 | Общество, Таңһчин зәңгс, Зіњг, Эдн Төрскән харсла

СВО-н ветеранмуд Хальмгт баһ биш. Теднә кесгнь дәәнә шаван эдгәҗ, көл деерән һарсн хөөн юмнас дутшгоһар бәәнә. Сарпуль балһснд болсн «Төрскән харсачнрин кубок» гидг марһанд Хальмгин СВО-н ветеранмуд орлцв.

Марһан ноха сарин 15-ас авн 18 күртл болв. СКФО-н болн ЮФО-н федеральн округудын СВО-н ветеранмуд марһлдв. Армрестлингин, ширә деер нааддг теннисин, пауэрлифтингин, саадгар болн лазерн бууһар халһна марһанд ветеранмуд дөрлдв. Хальмгин командын ханьд 7 күн йовсмн.
Төрскән харсачнрин кубокин төлә болсн марһан соньнар давв. Ут тоодан терүнд 120 күн орлцв. Донецк болн Луганск Улсин Республикүдин дәәнә ветеранмуд бас чидлән болн чадмган үзүлҗ чадв. Шишлң цергә керг-үүлдврт зөргәрн ончрсн мана ветеранмуд авсн шаван мартад, өдр болһн бийән чанһаһад, цогц-махмудан батлҗ белдв.
Төрскн һазрин нериг эдн өөдән бәрҗ чадв. Цергә ветеранмудыг марһанд орлцачнрас нань элгн-саднь, өөрхн улснь ирҗ дөңнснь ик урмдта йовдл», - гиҗ марһана бүрдәһәчнр темдглв. «Төрскән харсачнр» гидг саңгин Хальмгин әңгин көдләчнр мана орлцачнрин тускар келҗ өгв.
Саңгин социальн зүүцүләч Хаглша Виктория марһана йовудт болсн үүдәгч хәләврин лауреат болв. СВО-д әмнәсн хаһцсн авальдан шүлг нерәдҗ умшад, Виктория әмтнә оньг авлв. Хальмг баатрин туск шүлгиг Дандан Вероника бичсмн.
Иигәд төрскнч седклтә ветеранмуд йирини җирһлд чигн седвәртәһәр үүлдҗ, төрскн һазрин нериг спортын марһаст харсч йовна.

ҖИРҺЛИН Кермн

Видео