Баатрин өрк-бүллә харһв

27-08-2024, 11:23 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Шидр Хальмг Таңһчин Толһач Хаска Бату Хальмгин дотр-дундын кергүдин министр Дмитрий Григорьевла хамдан полицин ах лейтенант Нимгрә Мергнә өрк-бүллә харһв.

Нидн ноха сарас авн Мергн Сергеевич Әрәсән ханьд шинкн орсн Херсонск мүҗин дотр-дундын кергүдин министерствд экләд көдлв. Тер җилин үкр сарин 28-д Украинә талас нисч ирсн сумн мел Херсонск мүҗин МВД-н бәәрнд тусв. Тиигхд 4 күн әмнәсн хаһцв. Һундл төрхд, эн улсин тоод Нимгрә Мергнә нерн заагдв.
Мөчн сарин 28-д энүнә аваль Төгрәш Владимировнад Хаска Бату Нимгрә Мергнә «Залу-зөргин» орден бәрүлҗ өгсн билә.
– Баатрин өөрхн улсла күүндәд, Баина күүкнь дунд сурһулян төгсәһәд, оютн болсинь медүв. Күүкиг йөрәһәд, күцәмҗ дурдҗанав. Таңһчин дотр-дундын кергүдин министр Дмитрий Григорьев Нимгрә Мергнә бүлд онц оньган тусхаҗ, йовхиг үнләд ханлтан өргҗәнәв. Олна кергин төлә әмән өгсн баатрмудын нердиг бидн мартх зөв угавидн, – гиҗ Бату Сергеевич товчлв.

ОЛЬДАН Цаһан

Видео