Ноһан Дәркд нерәдәд

29-10-2024, 13:04 | Таңһчин зәңгс » Бурхн-шаҗна төрәр

Хулһн сарин 26 -д Элстд Ноһан Дәркд нерәдҗ мандл тосхгдхмн.

Бурхн Багшин Алтн сүмин үрврәр Дрепунг Гоманг хурлас ирсн гелңгүд тер мандлыг тосххмн. Гевш-лхарамба Тензин Сангпо Ринпоче гелңгүдиг толһалҗ ирв.
Хулһн сарин 26-с авн 30 күртл эн мандл тосхлһна үүлдвр күцәгдхмн. Эн цагла болн ноябрь сарин 14 күртл әмтн хурлд ирҗ, шаҗна эн чинртә үүлдвриг хәләҗ, зальврҗ чадҗана. Шаҗна номин йосар кегдҗәх эн керг-үүлдврт орлцад, әмтн эврә өрк-бүлин болн үр-садна хөв-кишгин төлә зальврсн деерән цуг улсин амулң җирһлин төлә кегдҗәх номд орх таалта болҗана. Тиигәд хойр долан хонгин туршарт әмтн Ноһан Дәркин евәлд багтхмн.
Элстәс нань Лаганьд болн Цаһан Амнд Дрепунг Гомангас ирсн гелңгүд шишлң йосрхл күцәҗ, мандл тосххмн. Гевш-лхарамба Тензин Сангпо Ринпоче өдр болһн умшх лекцд орлцҗ, шаҗна туск медрлән гүүдүлх арһ чигн әмтнд учрҗана.

УШКАНА Сувсн

Видео