Зеткртә йовдл

Сегодня, 13:44 | Происшествия, Таңһчин зәңгс, Хальмг Тањєчин Толєачин ґдр-бўр, Зіњг

Шидр Элстәс Москваһур һарч йовсн автобус Тамбовск мүҗд гиигн машинлә цокгдад, зеткрлә харһв. Терүнә ашт гиигн машинә залач болн өөрнь суусн күн әмнәсн хаһцв. Автобуст бәәсн зурһан күн шавтад, Тамбов балһсна Архиепископ Лукан нертә эмнлһнд орулгдв.
Хальмгин эрүл-менд харлһна министерств Тамбов балһсна эмнлһнә эмчнрлә бат залһлда бәрҗ көдлҗәнә.
Таңһчин Толһачин даалһсар эрүл-менд харлһна болн тосхлтын, көлгнә болн хаалһин эдл-ахун хойр министерств ирлцңгү дөңгән күргҗәнә.
– Әмнәсн хаһцсн улсин өөрхн элгн-садна зовлңгинь хувалцҗанав. Тамбовск мүҗин түргн дөң күргдг цергллтст ханлтан өргҗәнәв, – гиҗ Хаска Бату темдглв.
ОЛЬДАН Цаһан

Видео