«Негдсн Әрәсән» хург болв

Сегодня, 14:15 | Политика, Таңһчин зәңгс, Хальмг Тањєчин Толєачин ґдр-бўр, Зіњг

Шидр «Негдсн Әрәсә» партин Хальмг Таңһчар үүлддг региональн әңгин хург болв. Терүнд партин КРО-н политическ хүүвин болн Президиумин гешүдиг суңһҗ авлһна, Москва балсһнд болх партин XXII чуулһнд мана таңһчас орлцх элчнриг шүүҗ авлһна төрмүд хәләгдв.
Хальмг Таңһчин Толһач, партин региональн әңгин сегләтр Хаска Бату, Әрәсән Федерацин Хүүвин гешүн, партин КРО-н сегләтрин негдгч дарук Байир Путеев, Хальмг Таңһчин Улсин Хуралын (Парламентин) Ахлач, зака үүдәгч бүрдәцд «Негдсн Әрәсә» партин әңгин һардач Артем Михайлов хургин көдлмшт орлцв.
Ил суңһврин ашар «Негдсн Әрәсә» партин таңһчд үүлддг региональн әңгин политикин Хүүвд тавн күн шинәс суңһгдв. Бас тер мет энүнә Президиумин ханьд бас шин гешүдиг суңһҗ авв. Конференцин йовудт партин гешүдин иткл цаасд бәрүлҗ өггдв. Тиигәд, Элст балһсна Хургин депутатнр Бембин Евгений болн Чумуда Николай, П.Жемчуевин нертә таңһчин эмнлһнә ах эмч Чумпина Саглр болн «Негдсн Әрәсән баһ наста гвардь» бүрдәцин гешүн Бадмин Аюка партин гешүд болв, эдниг Хальмг Таңһчин Толһач Хаска Бату йөрәһәд, иткл цаасинь бәрүлҗ өгв.
Бар сарин 14-д Москва балһснд болх партин чуулһнд Хальмг Таңһчин Улсин Хуралын (Парламентин) Ахлач, партин КРО-н сегләтрин дарук Артем Михайлов орлцх болҗ шиидгдв. Тер мет Хальмг Таңһчин Толһач, партин региональн әңгин сегләтр Хаска Бату,сенатор Байир Путеев, партин Ахлачин олна приемна һардач, таңһчин Улсин Хуралын депутат Хаалһин Очр бас эн чуулһна көдлмшт орлцх болҗ һарв.
Таңһчин Толһач, партин КРО-н сегләтр Хаска Бату партин гешүд күцәсн көдлмшиг өөдәнәр үнлҗ, ханлтан өргв. Муниципальн бүрдәцсин болн таңһчин хазна оруһин әңг икдүллһнә керг ик чинртә болҗахиг темдгләд, цергә шишлң керг-үүлдврт орлцачнриг болн теднә өрк-бүлмүдин гешүдиг дөңнлһнә көдлмшиг цааранднь күцәх кергтә, гиҗ Бату Сергеевич дуудвр кев.
БАТАН Сәәхлә

Видео