Дууна марһан болхмн

Хулһн сарин 1-д мана орн-нутгт медәтнрин Өдр темдглнә. Эн сән өдрт нерәдҗ, таңһчин социальн делгрлтин министерств ах үйин улс дунд «Серебряная звезда» гидг марһа зарлв.
Медәтнр билг-эрдмән үзүлҗ, хоорндан таньлдҗ, цаган сергмҗтәһәр давулҗ амрхин төлә эн марһан бүрдәгдҗәнә. Эдн улсин, төрскнч, хуучн цага фильмсин, өдгә цага дуд дуулҗ, онц багар марһлдхмн. Дииләчнр дипломар болн үнтә белгәр ачлгдх. Тер мет жюрин шиидврәр олн хәләһәчнрт таасгдсн улсин дуд хадһлҗадг төләдән болн билг-эрдмәрн ончрсн медәтнр онц кевәр мөрәлгдхмн. Марһан хулһн сарин 1-д медәтнрин Өдрлә болхмн. Терүнд орлцхин төлә һаха сарин 25 күртл эрлһән орулх кергтә.
БАТАН Сәәхлә