Эмчд сөөһәр ирҗ болхмн

Хальмг Таңһчин эрүл-менд харлһна министерствин зәңглсәр Элст балһсна поликлиникин көдләчнр лу сарин 13-д «Эрүл-мендин сө» гидг керг-үүлдвр давулхмн. Эн керг-үүлдвр өдрәр эмчд ирҗ чаддго улсин төлә бүрдәгдҗәнә.
Балһсна поликлиникин 5-ч тойгта хорад асхн 20 часас авн сө 1 час күртл ирәд, эрүл-мендин бәәдлән шинҗлҗ, эмчин селвг авч болхмн. Диспансеризацин йовудт әмтн эрүл-мендин туск сурврмудт хәрү өгәд, флюорографь, ЭКГ, маммографь кеһәд, цусна дарлтын кемҗә медҗ авад, эмчд бийән үзүлҗ чадхмн. Тер мет шишлң мергҗлтнрлә харһад, эрүл-мендин бәәдлин туст үүмүлҗәх сурврар селвг авч эмнлһиг эклҗ болхмн. Кергтә болхла эмчнр УЗИ, ЭХОКГ болн ДСБЦА гидг немр гүн шинҗллт кехмн.
Эн керг-үүлдврт орлцхин төлә лу сарин 2 күртл эртәснь бичгдх кергтә. «Эрүл-мендин сө» гидг керг-үүлдврт орлцҗ, эрүл-мендин бәәдлән цаглань шинҗлҗ кергтә эмнлһ эклтн гиҗ поликлиникин эмчнр хотл балһсна әмтнд дуудвр кеҗәнә. Эн керг-үүлдвр сар болһн давулгдхмн гиҗ зуралгдҗана.
БАТАН Сәәхлә