Дегтрин шин саң

Сарпан района Садовое селәнд дегтрин шин саң секгдв. Сүл цагт умшачнрт сән болн өдгә цага таал тогтахин төлә дегтрин саңгуд таңһчд секгдҗәнә. Элст балһснд, зәрм райодар тиим дегтрин саңгуд көдлҗәхнь темдгтә.

Шидр өдгә цага дегтрин саң Садовое селәнд бас секгдв. Дегтрин саңд даңгин ирдг умшачнрт шин герт ирҗ, цаган давулҗахнь нег үлү тааста болв. Энд дурта дегтрән авч умшсн деерән соньмсулҗадг ямр нег төрәр кергтә тоотан эдн ниигмин эв-арһар олҗ чадна. Келн-улсин дегтрин саңд бәәдг дегтрмүдлә, нань чигн тоотла таньлдх цуг таал ода эн дегтрин саңд бәәнә. Өдгә цага сарул-сәәхн хораст шин кергсл углҗ тәвгдв.
Бичкн умшачнрт цугнь бас таасгдҗана. Дегтр умшх, соңсх эв-арһ олзлдгиг бичкн умшачнр йир түргәр дасч авв. Наадна өрә эднд нег үлү икәр таасгдв. Энд бичкдүд олн - зүсн нааднд орлцна. Туульсиг соңсч, терүнд орсн дүрмүдиг үзнә. Тер үзсән дуралһҗ зурад, дассан давтҗ тодлҗ авна.
Тиигәд йириндән әмтн ирдг бәәрн олыг хурадг болв. Энд болдг күүндврмүд, хургуд, презентацс өдгә цага олн янз олзлҗ, улм соньнар кегдҗәхнь әмтнд таасгдна. Тиигчкәд шинрүлгдсн, у-өргн хораст цуглрҗ, шин тоотла таньлдҗ, үүрмүдләрн харһна гисн ямаран таалта болҗана. Дегтрин шин саң олн умшачнриг дегтрлә олн-зүсн эв-арһар таньлдулх таал өгсинь дегтрин саңгин көдләчнр темдглҗәнә.