Чинртә хүүвин ханьд орв

Шидр Әрәсән Президент Владимир Путинә зәрлгәр шар шаҗна сүзгтнрин Төвин оюни заллтын Ахлач Йонтен Гевш орн-нутгин Президентин медлд бәәдг шаҗна ниицәслә залһлда бәрдг хүүвин ханьд орв.
– Нег һазра улс Йонтен Гевшиг олна болн гегәрүлгч үүлдәч, төрскнч седклтә күн гиҗ сәәнәр меднә. Әрәсән Президентин медлд бәәдг шаҗна ниицәслә залһлда бәрдг хүүвин ханьд эн орснь темдгтә. Мана таңһчд бәәдг олн келн-улсин төлә эн ончта йовдл болҗана. Чинртә хүүвд орлцад, Йонтен Гевш Әрәсән олн-әмтнә төлә хүүвин көдлмшиг шин девсңд һарһҗ чадхинь иткҗәнәв. Әрүн седкләсн энүг йөрәҗәнәв, Йонтен Гевш шаҗна кергин делгрлтд ик тәвцән орулхнь лавта, – гиҗ Хальмг Таңһчин Толһач Хаска Бату темдглв.
ОЛЬДАН Цаһан