Чинртә харһлтст орлцв

Шидр Хальмг Таңһчин Толһач Хаска Бату Москвад көдлв. Түрүләд Әрәсән залврин Ахлачин дарук Дмитрий Чернышенкон һардврт сурһуль-эрдмин бүрдәцсин бат ясврин төрәр болсн селвлцәнд орлцв. Тер мет ЮФО-д Әрәсән Президентин элч Владимир Устинов түүмр саглуллһна болн хаврин цагт орсн усна төрмүдәр видеозалһлдана эв-арһар давулсн сүүрт бас орлцсн болдг. Терүнәс нань шар шаҗна сурһалин болн шинҗллтд туслдг саңгин хүүвин сүүрт орлцад, терүнд 2025 җилин ашинь дигләд, эн җилин көдлмшин зура батлгдсмн.
– Нидн Элстд шар шаҗна нарт-делкән III ик хург давулгдснь җилин хамгин ончта йовдл болснь мөн. Хургин ашар мана таңһч шар шаҗна йоста төв болҗахиг олнд медүлвидн. Чинртә керг-үүлдврин йовудт Элстд шар шаҗна сурһаль секгдв, дәкәд болхла ирлцңгү парк секх болҗ шиидгдв. Тер мет экологин, экономикин,зуульчллһ делгрүллһнә халхар олн харһлт бүрдәгдв. Шар шаҗна делгрлтд ик тәвцән орулсн. Әрәсән Президент Владимир Путинд, орн-нутгин залврт, МИД-ын, Росконгрессин элчнрт болн талдан ирлцңгү бүрдәцст ханлтан өргҗәнәв, – гиҗ Бату Сергеевич темдглв.