Өрк-бүлдән хамдан умшад

Сегодня, 13:11 | Общество, Таңһчин зәңгс, Зіњг, Марєан

Әрәсән шаңһа бичкдүдин дегтрин саңгин болн «Движение первых» җисәнә дөң-нөкдәр «Медрл» ниицән «Өрк- бүлдән хамдан умшчанавидн» нертә видеозурцин цугәрәсән марһанд эрлһс орулҗ авчана. Бичкдүд болн бөдүн улс хамдан сул цаган давуллһна керг- үүлдвриг олн дунд тархалһн эн ик кемҗәтә үүдәгч төсвин һол күслнь болҗана. Әрәсән Президент Владимир Путин ирлцңгү марһа давуллһна седвәр бас дөңнсн болдг.
Өрк-бүлдән хамдан дегтрмүд умшад, нег үлү дурта дегтрмүдин туск келврмүд олнд соңсхад, утх-зокъялд седклән тусхалһна соньн дамшлт үзүлҗәдг видеозурцсиг жюри орулҗ авчана. Эн керг- үүлдврт орлцхин төлә марһана сайтд тоод авгдад, утдан тавн минутд үзүлгдх видеозурциг марһана нертә ниигмәнә сүлҗәнд орулх кергтә, гиҗ бүрдәһәчнр зәңглҗәнә.
«Тана өрк-бүлмүдт хамдан умшлһна цаг яһҗ давулгддгин тускар видеозурц бичҗ автн, - гиҗ бичкдүдин дегтрин Цугәрәсән долан хонг секлһнә байрт ирлцңгү марһан эклҗәхин тускар Әрәсән Президентин селвгч Елена Ямпольская зәңглв. - Седвәрән, үүдәгч седклән медүлх кергтә, шинҗләчнрин болн улсин жюри тана видеозурциг үнлхмн, энүг цуг орн-нутгин улс чигн үзҗ чадх. Дииләчнр өөдән ачлврмуд, үнтә белгүд авсн деерән хамдан умшлһн тааста керг-үүлдвр болҗахиг бичкдүдт болн бөдүн улст тодлулх кергтә. Ирлцңгү умшлһн өрк- бүлиг, аш сүүлднь олыг бас хамцулдгнь мел үнн юмн».
Үүдәгч көдлмш эн җилин һаха сарин 30 күртл һурвн девсңд: моһа сарин 26-ас авн хөн сарин 31 күртл;мөчн сарин 1-әс авн така сарин 31 күртл болн ноха сарин 1-әс авн һаха сарин 30 күртл, орулҗ авгдхмн. Девсң болһна ашар хамгин сән видеозурцс шүүҗ авгдсна дару эдниг марһана шинҗләчнр үнлх зөвтә.
Тиигчкәд девсң болһнд 10 дииләч болн 100 призер йилһгдх гиҗ зуралгдҗана, эднд соньн дегтрмүд болн үнтә белгүд бәрүлҗ өггдхмн. Энүнәс нань намртан ниигмәнә сүлҗәнд әмтн дууһан өгәд, «Орн-нутг, маднла умш!»гидг шишлң әңгд дииләчиг заахмн.
Эн җилин чилгчәр болхла сурһульмудын дегтрин саңгудын көдләчнрин хургин йовудт «Әрәсә» гидг Келн-улсин төвд болх марһана ашлгч девсңд дииләчнриг ачлх зөвтә.
Шагҗин Любовь

Видео