Цусан өгдг улсиг күндләд

Сегодня, 13:49 | Общество, Таңһчин зәңгс, Зіњг, Эрўл-менд харлһн

2007 җиләс авн мөрн сарин 20-д мана орн-нутгт донормудын Келн-улсин Өдр темдглнә.
Мана таңһчд 10 миңһн һар күн цусан өгч, күнд гемәр гемтсн болн зеткртә йовдлд туссн улсин әм аврлһнд дөңгән күргнә. Олн җилин туршарт эврә сән дурар цусан өгдг улст «Әрәсән күндтә донор» гидг нерн зүүлһгднә. Мана таңһчд 1 миңһн һар күн иим өөдән нер зүүҗәнә. Эдн җилд нег дәкҗ демин мөңг авна, санаторьт одад эрүл-мендән батрулх путевкар ачлгдна, нань чигн онц зөв эдлнә. Мөрн сарин 20-д Элстд «Әрәсән күндтә донор» гидг нер зүүсн улст темдгинь бәрүлҗ өглһнә байрин керг-үүлдвр болхмн.
«Цусна төв» таңһчин бүрдәц донормудын то икдүлхин төлә дару-дарунь райодар һарч йовад, селәнә улс дунд цус авлһна керг-үүлдвр бүрдәнә. Коронавирусн гем түгсн болн цергә шишлң керг-үүлдвр болҗадг кемд цусна көрң шинрүлх болн белдх кергтә болна. Авъяст тохрсар, зөв-йосна, дотр-дундын кергүдин, МЧС-ин, эрүл-менд харлһна болн сурһуль-эрдмин бүрдәцсин көдләчнр эврә сән дурар цусан өгнә. Эндрк баһчуд бас донормудын зергләнд орҗ цусан өгчәхнь темдгтә.
ДАВАН Наталья

Видео