Тохма мал өсклһнә төрәр

25-04-2026, 12:06 | Общество, Таңһчин зәңгс, Зіњг, Селәнә эдл-аху

Хальмгин селәнә эдл-ахун министр Гаван Тимур тохма мал өскчәдг таңһчин эдл-ахусин һардачнрла селвлцә давулв. Эн харһлтд шаңһа дем йилһҗ өглһнә төрәр күүндвр болв.
Өдгә амр биш цагт орн-нутгт хот-хоолын әәмшг уга бәәдл тогталһна туст тохма мал өсклһнә керг онц орман эзлҗ йовна. Мана таңһч үкрә сән чинртә, шимтә мах йилһҗ өгнә. Эн туст 2026 җилд шаңһас 110 сай һар арслң йилһгдхмн.
Тер мет селвлцәнә йовудт генетикин төр бас босхгдв. Селекцин шин эв-арһсиг өргнәр олзлад, малын чинәнь ясрад, сән төл авлһнд эннь бас туслхнь лавта.
– Эндр нег һазра селәнә эдл-ахун арһлачнр күцәмҗтәһәр көдлҗәнә. Ирлцңгү шишлң техник хулдҗ авад, көдлмшч ормдан сән таал тогтаһад, цугинь олзлад кергән делгрүлҗәнә. Тохма мал өсклһнә төр таңһчин һардврин онц оньгт бәәнә, тегәд кергән делгрүллһнд малчнрт цааранднь дөң-тусан күргхвидн, – гиҗ Гаван Тимур ашлв.
КАРСАНА Евгения

Видео