Спортын халхар бәрсн күцәмҗ

Сегодня, 14:38 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Хальмг Таңһчин Толһач Хаска Бату спортын халхар күцәмҗ бәрсн нег һазра баһчудыг йөрәв.
– Һар бәрлдҗ марһлддг спортар нарт-делкән марһанд «Морпех» сурһулин элчнр Шатан Галина, Софья Бородаева болн Соятин Анастасия ончрв. Сочи балһснд панкратионар болсн Цугәрәсән марһанд Харинә Нина хойрдгч орм эзлв. Тер мет Җакуран Евгений Әрәсән хамцу багин армрестлингин дамшачд батлгдв. Одахн энүнә сурһульч Дурдуса Айлана армрестлингин Европин марһанд диилвр бәрәд, нег һазра улсин төлә бахмҗ үүдәв. Терүнәс нань нер һарсн футболист Бевән Мингиян Әрәсән хамцу ик багин ханьд орснь темдгтә болв. Цуг эн баһчуд күцәмҗ бәрәд, Хальмг Таңһчин нер дуудулҗ йовна. Цааранднь чигн диилвр бәрҗ, цаһан хаалһар йовтн, – гиҗ Хаска Бату темдглв.
ОЛЬДАН Цаһан

Видео