Ончта өөнләнь йөрәв

Сегодня, 10:42 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Хальмгин Толһач Хаска Бату Төрскән харсгч Алдр дәәнә ветеран Шаран Александриг ончта өөнләнь йөрәв.
– Александр Колтышевич нег һазра улстаһан хамдан дәәнә болн тууврин зовлңгиг дааҗ һарсн күн болна. Дәәнә цагт эн Әәдрхн Кизләр хоорндк төмр хаалһин тосхлтд орлцсн билә. Төрскн һазртан ирәд, 40 җилдән Үстин районд мал өсклһнә халхар көдлв. Олн җилдән үнн-чик седклтәһәр көдлсн төләдән кесг ачлврмудар темдглгдсн болдг. Кермн Даваевна авальтаһан хамдан зурһан үрән өскәд, чик хаалһднь орулв. Өдгә цагт ик ачта көгшәг 11 ач-зень болн 5 җичнь байрлулҗана. Мел иим ах үйин улсас бидн цуһар үлгүр авх зөвтәвидн, – гиҗ темдгәд, Хаска Бату олна йөрәлин үгд багтв.
ОЛЬДАН Цаһан

Видео