Нөкцлт делгрҗәнә

Сегодня, 15:11 | Общество, Таңһчин зәңгс, Хальмг Тањєчин Толєачин ґдр-бўр, Зіњг

Шидр Элстд Казахстана Атырауск мүҗин делегац ирсн билә. Хальмгин Толһач Хаска Бату Атырауск мүҗин Акиман дарук Марат Мурзиевла болн Әәдрхн балһснд үүлдг Казахстана элч Канат Хасеновла харһв.
– Казахстан хулд-гүүлгәнә халхар мана орн-нутгла олн җилдән нөкцлтҗәнә. Тер мет промышленностин, мал өсклһнә, зуульчллһна, сурһуль-эрдмин халхар нөкцлт өргнәр бас делгрҗәнә. Көк теңгсин нөкцлтин йовудт хулд-гүүлгәнә, көлгнә, сурһуль-эрдмин сольлцана халхар күүндвр болв. Хасгуд болн хальмгуд Төрскән харсгч Алдр дәәнә цагт хамдан баатр кевәр дәәлдҗ йовла. Зөргтә хасг Карсыбай Спатаев мана һазрт туурмҗарн ончрад, энүнә туск санл эндр күртл әрүнәр хадһлгдҗана. Мана таңһчд оньган өгсн Казахстана делегацд болн Әәдрхн балһснд үүлддг Әрәсән МИД-ын элч Вячеслав Коломинд ханлтан күргҗәнәв, – гиҗ Хаска Бату товчлв.

ОЛЬДАН Цаһан

Видео